Apna Ganv(By Sugandh Jee)

Apna Ganv(By Sugandh Jee)

Aaj fir chhalakati aankho se,
usne apna ganv dekha hai,
jise chhod chala tha wah,
Kuchh karne ki aas me,

Apna Ganv(By Sugandh Jee)
kintu aaj chahuor dhup dekhakar,
usne yaha chhanv dekha h,
aaj fir chhalakati aankho se,
usne apna ganv dekha hai,
Nanhe nanhe pairo ne,
ghaso par chalana sikha tha,
mitti ke uche tilo par,
gir gir chadhhana sikha tha,
panchhi udate dekh gagan me,
uncha uthana sikha tha,
nadiyo ki bahati dhara se,
chalte rahna sikha tha,
Kintu nanhi chidiya bhi,
dana chugne ko jati hai,
udati hai wo dur gagan tak,
fir ghar wapas jati hai,
Wo bhi ek din nikal pada,
daulat aur nam kamane ko,
apne dono par failaye,
unche nabh ud jane ko,
udata raha wah dur – dur tak,
gali – gali aur shahar – shahar,
khoj liya tha usne manjil,
kintu man tha bahut vikal,
wriksho ki wah shital chhaya,
shahro me na milti thi,
ganvo ki wo jhilmil dhup,
shahro me na khilati thi,
Pag rakhte hi ganv me uske,
kuki koyal matwali ,
hare makhmali bagon me bhi,
chatak uthi kaliya sari,
jhum utha wah drishya dekhakar,
kheto aur khalihano ke,
mitti ki bhini khushboo aur harebhare maidano k,
Ghar aangan tha kitna badla,
yad samete tha kuchh dhundhla,
Bachpan me nanhe hantho se,
bij jami me the dale,
gagan chumte shirsh wriksh ke,
jhum rahe hai matwale,
Surmayi sandhya me,
ganv ke panghat par ,
logo ka padav dekha hai,
Aaj fir chhalakati aankho se,
usne apna ganv dekha hai.

Special thanks to the poetess Miss  Sugandh Jee

How useful was this post?

Click on a star to rate it!

Average rating / 5. Vote count:

Leave a Reply

Your email address will not be published. Required fields are marked *

%d bloggers like this: